CURRENT NEWS

Monday, September 12, 2016

MTATURU AWASIHI WAUMINI WA DINI YA KIISLAMU KUSHIRIKIANA ZAIDI NA WAUMINI WA DINI ZINGINE ILI KUCHOCHEA ZAIDI SHUGHULI ZA MAENDELEO

Mkuu wa Wilaya ya Ikungi Mkoani Singida Miraji Mtaturu wa kulia,akizungumza mara baada ya swala ya Eid Alhaji hii leo katika msikiti wa Masjid Noor uliopo katika Kijiji cha Makiungu.




Na Mathias Canal, Singida

Waislamu duniani kote leo wanasherehekea sikukuu ya Idd El Hajj wakiungana na wale (Mahujaji) walioko katika miji ya Makkah na Madina, nchini Saudi Arabia wakiendesha ibada mbalimbali.

Barani Afrika sikukuu hii inasherehekewa katika nchi mbalimbali, huku baadhi ya nchi zikiwa katika hali ya sintofahamu kutokana na makundi yanayodai kuwa yenye msimamo mkali wa kidini, hasa nchini Somalia, Nigeria, Mali, Libya, Mauritania na nchi nyingine za Kiarabu barani Asia, na Ulaya.

Nchini Tanzania sala ya Idd El Hajj imeswaliwa Katika viwanja vya BAKWATA Wilaya ya Kinondoni Jijini Dar es salaam huku Mufti Mkuu wa Tanzania Sheikh Abubakary Zubeiry Bin Ally pamoja na viongozi wakuu wakishiriki sala hiyo.

Wilayani Ikungi Mkoani Singida waumini wa Dini ya Kiislamu wametakiwa kushirikiana kwa pamoja na waumini wa dini zingine ili kuongeza ufanisi wa amani na chachu ya maendeleo nchini Tanzania katika nyanja zote ikiwemo kuboresha huduma ya elimu, afya na Miundombinu.

Mkuu wa Wilaya hiyo Mhe Miraji Jumanne Mtaturu ameyasema hayo hii leo wakati akiwahutubia waumini wa dini ya Kiislamu katika msikiti wa Masjid Noor uliopo katika Kijiji cha Makiungu nakuwataka waumini hao kujitokeza kwa wingi katika kukamilisha ufanisi wa utendaji kazi ili kuimudu kasi ya serikali ya awamu ya nne chini ya Rais John Pombe Magufuli ya HapaKaziTu.
Kati ya Waislamu duniani sikukuu hii hujulikana kwa majina mbalimbali ambayo hutafsiriwa pia kwa lugha mbalimbali kama vile: Idd-al-Adhha yaani sikukuu ya sadaka, Idd-al-Qorban sikukuu ya sadaka (kwa kutumia neno tofauti ya "sadaka" katika Qurani); Kituruki: Kurban Bayramı; Kikurdi "Cejna Kûrbanê" ;

Idd-al-Kabir au "sikukuu kubwa"; "Bari Eid" huko Uhindi na Pakistan; jina hili hutumiwa kwa sababu kati ya sikukuu mbili zinazoamriwa katika Qurani hii ni sikukuu kubwa zaidi.

Mtaturu alisema kuwa Wilaya ya Ikungi imecheleweshwa na utengano wa Itikadi za Kisiasa hadi kufikia hatua ya wananchi kuacha kuchangia shughuli za maendeleo ikiwemo ujenzi wa maabara
Katika sikukuu ya Idd Kila Mwislamu mwenye uwezo hupaswa kumchinja mnyama wa sadaka siku hiyo mara nyingi kondoo lakini kuna pia sadaka za mbuzi, ng'ombe au ngamia kufuatana na uwezo na kawaida ya nchi.Sehemu ya nyama ya sadaka hizo hugawiwa kwa maskini wasio na uwezo na Mengine hutumiwa kwa karamu ya familia.

Dc Mtaturu amesema kuwa kwa umoja wa wazawa na wakazi wasio wazawa katika Wilaya hiyo utaimarisha na kuongeza weledi na kukuza kipato cha kila mmoja kwa kuongeza juhudi za utendaji kazi.

Idd husheherekewa kati ya tarehe 10 hadi 13 ya mwezi wa Dhul Hijjah wa kalenda ya Kiislamu. Tarehe hali halisi hutegemea na kuonekana kwa hilali au mwezi mwandamu. Hapa hutokea tofauti za kila mwaka kati ya Waislamu. Kimsingi mapokeo ya kiislamu hudai kuonekana kwa mwezi kwa macho.

Kubadilika kwa tarehe katika kalenda ya jua

Katika kalenda ya Gregori ambayo ni kalenda ya kawaida tarehe za Kiislamu hubadilika kila mara kwa sababu mwaka wa kiislamu hufuata kalenda ya mwezi lakini kalenda ya kawaida hufuata jua.
Kalenda ya Kiislamu ni takriban siku 11 kasoro ya kalenda ya jua. Kila mwaka tarehe ya Idd huweza kutokea kwa siku mbili tofauti za kalenda ya Gregori kwa sababu kawaida ya Uislamu hufuata kuonekana kwa mwezi kunachopatikana tofauti duniani.







 
Copyright © 2014 Mkono Wangu Production Designed by EvMak Tanzania