CURRENT NEWS

Friday, September 2, 2016

SATELAITI YA FACEBOOK YA KUFIKISHA MTANDAO KASI AFRIKA YAHARIBIWA

Roketi ya Falcon 9 ilipolipuka
Image copyrightUS LAUNCH REPORT
Image captionRoketi ya Falcon 9 ilipolipuka
Mwanzilishi wa kampuni ya Facebook Mark Zuckerberg amelezea kusikitishwa kwake baada ya satelaiti ambayo Facebook ingeitumia kwa mawasiliano ya kasi ya mtandao wa intaneti barani Afrika kuharibiwa.
Satelaiti hiyo iliharibiwa katika mlipuko uliotokea eneo la Cape Canaveral jimbo la Florida, Marekani siku ya Alhamisi.
Satelaiti hiyo kwa jina Amos-Six ilikuwa imebebwa na roketi ya Falcon Nine ambayo ililipuka ilipokuwa ikifanyiwa majaribio ya kujiandaa kwa safari ya siku ya Jumamosi.
Mlipuko huo ulitokea wakati roketi hiyo ilikuwa ikijazwa mafuta na kutikiza majengo yaliyokuwa umbali wa kilomita kadha.
Bw Zuckerberg, ambaye yumo ziarani Afrika, amesema "nimesikitishwa sana" kusikia kwamba satelaiti hiyo iliharibiwa.
"Tutaendelea kujitolea katika lengo lengo la kufikisha huduma ya mtandao kwa kila mtu na tutatia bidii hadi kila mtu apate nafasi na manufaa ambayo yangetokana na satelaiti hii," aliandika kwenye ukurasa wake wa Facebook.Hakuna aliyejeruhiwa wakati wa mkasa huo.
Mwandishi wa BBC anasema kuwa kulipuka kwa roketi hiyo ni pigo kubwa kwa mwanabiashara Elon Musk ambaye ni mmiliki wa kampuni ya kuunda roketi ya Space X.
Afisa mmoja wa masuala ya anga za juu wa Israeli amesema satelaiti ya Amos-6 inakadiriwa kuwa na thamani ya $200m (£150m) na ilimilikiwa na kampuni kwa jina Spacecom, was a major blow to the industry.
"Hili ni pigo kubwa sana ambalo huenda ikaathiri mustakabali wa sekta ya satelaiti na huenda ikahitaji kupigwa jeki (kifedha)," alisema mwenyekiti wa taasisi ya masuala ya anga za juu ya Israel, Isaac Ben-Israel.
Picha ya @krisn99 via TwitterImage copyright@KRISN99
Image captionMfanyakazi katika kituo jirani cha Kennedy Space Center alipiga picha ya mlipuko huo
BoosterImage copyrightSPACEX
Image captionRoketi ya Falcon-9 ilikuwa imeundwa ikiwa na uwezo wa kutua baharini au ardhini ikirejea duniani
 
Copyright © 2014 Mkono Wangu Production Designed by EvMak Tanzania