CURRENT NEWS

Monday, January 22, 2018

JAFO AFURAHISHWA NA KASI YA MRADI WA DMDP

  
 Waziri wa Nchi, Ofisi ya Rais, TAMISEMI Selemani Jafo akiwa katika ukaguzi wa jengo la ofisi za mradi wa DMDP za wilaya ya Kinondoni.

Waziri wa Nchi, Ofisi ya Rais, TAMISEMI Selemani Jafo akikagua tabaka la lami na mifereji inayojengwa kupitia mradi wa DMDP.

 Waziri wa Nchi, Ofisi ya Rais, TAMISEMI Selemani Jafo akiwa na Mkuu wa wilaya ya Kinondoni pamoja na waratibu wa Mradi wa DMDP wakikagua  baadhi ya barabara zinazojengwa.

Baadhi ya barabara zinazoendelea kujengwa wilayani Kinondoni kupitia mradi wa DMDP.

    ........................................................................................

Waziri wa Nchi, Ofisi ya Rais, TAMISEMI Selemani Jafo amefurahishwa na kasi ya utekelezaji wa mradi wa kuboresha miundombinu ya jiji la Dar as salaam (DMDP) unaotekelezwa katika Manispaa ya Kinondoni, Ilala, na Temeke.

Waziri Jafo ameonyesha kulidhishwa na maendeleo ya utekelezaji  wa mradi huo alipotembelea  Manispaa ya Kinondoni leo  na kukuta jengo la Ofisi na maabara lipo katika hatua ya mwisho kukamilika huku baadhi ya barabara zimeshakamilika na barabara zingine zipo katika hatua mbalimbali ya ujenzi.

Katika ziara hiyo, Waziri Jafo amefanikiwa kutembelea barabara za Makumbusho, Mwenge viwandani, na Nzasa,  pamoja na Ofisi mpya zilizojengwa eneo la Magomeni.

Akizungumza mara baada ya kukagua, Jafo amewataka wasimamizi wa mradi huo kuendelea kusimamia ubora wa miundombinu inayojengwa ili iweze kidumu kwa muda mrefu. 


Kwa upande wake, Mkuu wa wilaya ya Kinondoni Ally Hapi amemuhakikishia Waziri Jafo kwamba amejipanga vyema na timu yake wilayani kinondoni ili mfano kwa wilaya zingine katika kutekeleza mradi huo.
 
Copyright © 2014 Mkono Wangu Production Designed by EvMak Tanzania