CURRENT NEWS

Wednesday, January 10, 2018

NYUMBA 1000 ZA ZINGIRWA NA MAJI KATA YA MRIJO WILAYANI CHEMBA

Kamati ya Ulinzi na Usalama wa mkoa wa Dodoma wakiongozwa na Mkuu wa Mkoa wa Dodoma Dk.Binilith Mahenge wakitembelea eneo lilokumbwa na mafuriko Chemba

Eneo lilokumbwa na mafuriko na kuzingira nyumba za wananchi




Eneo lilokumbwa na mafuriko na kuzingira nyumba za wananchi
           .....................................................................................

Mvua kubwa zilizonyesha usiku wa kuamkia Januari 9, 2018 Wilayani Chemba Kata ya Mrijo  mkoani Dodoma, zimesababisha athari kubwa kwenye vijiji vitatu vya kata hiyo. 

Vijiji vya Kata hiyo vilivyoathiriwa ni Mrijo Chini,  Kaloleni na Olboroti ambapo taarifa ya awali ya tathimini ya Wilaya ya Chemba ambapo Takribani nyumba 1000 zimezingirwa na maji

Kwa mujibu wa Taarifa iliyotolewa na Ofisi ya Mkuu wa Mkoa wa Dodoma inaonesha kuwa takribani Nyumba 70 zimedondoka ambapo kwa Elboroti-39, Kaloleni-22, Mrijo Chini-9

Aidha taarifa ya Tathimini ya awali  pia inaonesha Wananchi walioathiriwa na mafuriko hayo wamepoteza  mifugo na vifaa vya majumbani.

Wakizungumzia hali hiyo Wenyeji wa eneo hilo wamesema Hali kama hiyo iliwahi kujitokeza miaka ya 1968 na kuwa sehemu hiyo ni eneo la mkondo wa maji na kipindi hiko maji yakituama yalikuwa yakitumika kunywesha mifugo, lakini baadae Wananchi wakagaiwa viwanja na kujenga.

Kadhalika, katika taarifa hiyo imeeleza kuwa Uongozi wa Wilaya ya Chemba umelazimika kuzifunga shule mbili kwa Kuwa zimezingirwa na maji na hivyo siyo sehemu salama kwa Wanafunzi, shule ya msingi kaloleni na shule ya Sekondari Mrijo.

Imesema kuwa hakuna mtu aliyepoteza maisha kufuatia mafuriko hayo na kwamba Tathimini ya Kina inaendelea kufanyika kubaini athari zaidi na mahitaji halisi ya Wananchi  wahanga ili kuweza kuwasaidia.

Hadi sasa wananchi wameopolewa kutoka eneo la mabondeni ambapo maji yamezingira nyumba za Wananchi, na Wananchi wachache waliobakia Kazi ya kuwatoa mabondeni kwenye maji kuwapeleka eneo la makazi yaliyopo maeneo ya muinuko inaendelea Hadi kufikia usiku wa Januari 10.

Pia Jeshi la Zimamoto na Uokoaji Mkoa wa Dodoma limewekwa Kambi eneo Hilo kuhakikisha Wananchi wote wanatolewa eneo lenye maji na kupelekwa eneo salama kwa Usalama huku Serikali imeandaa makazi eneo la shule kwa ajili ya Wananchi wale watakaokosa hifadhi kwa ndugu jamaa na marafiki.

Mbunge wa Chemba Mhe. Juma Nkamia kwa kushirikiana na Mkurugenzi Mtendaji wa Halmashauri ya Chemba Dkt. Mashimba wametoa mahindi Gunia 50 kwa ajili ya kusaidia Wananchi hao wahanga na serikali ya Serikali hiyo imetenga Maghala mawili kwa ajili ya kuhifadhia baadhi ya Mali za Wananchi zilizofanikiwa kuopolewa kwenye eneo lililoathirika kwa maji.

Kufuatia Hali hiyo,  MKuu wa Mkoa wa Dodoma Dkt Binilith Mahenge akiambatana na Wajumbe wa Kamati ya Ulinzi na Usalama ya Mkoa wa Dodoma wamefika eneo la tukio kuwajulia Hali Wananchi, kuwapa pole na kuona Hali halisi ya athari zilizotokea.

RC Dkt. Mahenge amesisitiza Wananchi wa eneo la Mrijo Kuwa kitu kimoja kushikamana na kusaidiana kwenye janga hili kwa Wananchi walio kwenye makazi salama kusitiri wenzao wahanga

Ili kuhakikisha Usalama na kunusuru maisha ya Wananchi  kwenye  waliokuwa wanaishi mabondeni, Dkt. Mahenge amewapiga marufuku Wananchi hao  wasirudi tena kwenye makazi yao kwa kuwa eneo hilo siyo salama tena kwa Kuwa mvua zinaendelea kunyesha.

Mahenge amewaagiza wataalamu wa Wilaya ya Chemba kwenda kupima eneo lililozingirwa na maji ili kubaini Wananchi wasiotakiwa kurudi tena kwenye eneo Hilo la makazi. 

Aidha amemwagiza Mkuu wa Wilaya, Mkurugenzi na Wataalamu wa Halmashauri ya Chemba kuwapimia Wananchi viwanja vipya vya makazi kwenye eneo lililoinuka na salama kwa makazi ili Wananchi wajenge makazi mapya

Hata hivyo amesema Uharibifu wa Mazingira kama ukataji miti hovyo ndio umeleta mabadiliko haya ya Tabia ya Nchi yenye athari kama hizo za mvua na mafuriko,  na kuagiza Kampeni ya Upandaji miti eneo hilo.

“ Nimeagiza Timu ya Wataalamu wa Afya wafike haraka eneo la tukio na kuchukua hatua muhimu kuhakikisha wanazuia magonjwa yote ya mlipuko yanayoweza kutokea, na athari zingine kiafya,”


Ameongeza “Naagiza Wakuu wa Wilaya Wote,  Wakurugenzi wa Halmashauri Wote,   Makatibu Tarafa Wote na Wenyeviti wa Serikali za Mitaa  muhakikishe Wananchi wote wanaoishi mabondeni  wanahama mara moja kama tahadhari  ya mvua  zinazoendelea kunyesha hapa Mkoani Dodoma.
 
Copyright © 2014 Mkono Wangu Production Designed by EvMak Tanzania