CURRENT NEWS

Tuesday, April 17, 2018

MAVUNDE AMWAGA NEEMA KWA WAJISIRIAMALI DODOMA,AWATAKA WACHANGAMKIE FURSA

Mbunge wa Dodoma mjini Anthony Mavunde akifungua Mafunzo ya Ujasiriamali yaliyowashirikisha zaidi ya wajasiriamali 2000 kutoka viunga mbalimbali vya Manispaa ya Dodoma.

 Baadhi ya wajasiriamali walioshiriki mafunzo.
 Baadhi ya wajasiriamali walioshiriki mafunzo.

 Baadhi ya wajasiriamali walioshiriki mafunzo.

 Wajasiriamali walioshiriki.
Mbunge wa Dodoma mjini Anthony Mavunde akizungumza na mmoja wa washiriki wa semina.
...........................................................

Mbunge wa Jimbo la Dodoma Mjini Mhe.Anthony Peter Mavunde ameahidi kuwapatia vikundi vya wajasiriamali mafunzo ya UJASIRIAMALI na kuviwezesha vikundi katika kata zote 41 zilizopo Jimbo la Dodoma Mjini.

Mavunde ameyasema hayo leo katika ukumbi wa Cavillam wakati wa ufunguzi wa Mafunzo ya Ujasiriamali yaliyowashirikisha zaidi ya wajasiriamali 2000 kutoka viunga mbalimbali vya Manispaa ya Dodoma,ambapo mafunzo hayo sasa yataanza kutolewa kwa kila kata  ili kuhakikisha idadi kubwa zaidi ya wajasiriamali inafikiwa na kupata mafunzo haya yenye lengo la kumuandaa mjasiriamali wa Dodoma kupata ujuzi wa utengenezaji wa bidhaa mbalimbali.

Aidha Mavunde amewataka wajasiriamali hao kutumia fursa za ujio wa shughuli za Serikali Mjini Dodoma kama sehemu ya kukuza uchumi wao na kujiletea maendeleo binafsi.

Akimkaribisha Mgeni Rasmi kufungua mafunzo hayo,Mkurugenzi wa Taasisi ya MJASIRIAMALI KWANZA , Dk.Mujungu amemshukuru Mbunge Mavunde kwa udhamini wa mafunzo hayo na pia kumpongeza kwa kugawa mashine ndogo ndogo zenye thamani ya Tsh 55,000,000 kwa Vikundi vya Wajasiriamali katika kata 31 za Manispaa ya Dodoma.
 
Copyright © 2014 Mkono Wangu Production Designed by EvMak Tanzania